مرحبا بقرّاء مدونة رسيل ✨
معكم نورة وبيان من أعضاء فريق رسيل اللّي يراسلونكم ويخدمونكم من خلف الشاشة
ودنا ناخذكم معنا في يومنا كفريق عمليات ??? ??
يومنا يبدأ بمعشوقة الفريق القهوة.. كلٍ ومزاجه ??♂️
نورة سوداء كلاسيكية ?
وبيان قهوة باردة رايقة ?
نستفتح الأسبوع بتجهيز احتياجات المكتب ونظرة على جدول الأسبوع
وطبعا فريق العمليات ماخذين وضعية الأم كل شيء لازم يكون مرتب وفي مكانه
أول بأول ?
بيان تصبيحتها الحلوة تبدأ لما ترسل لكم وتتواصل معكم لتأكيد طلباتكم وتستقبل أي تعديل عليها
ونورة تعطي نظرة خاطفة على منتجات الموقع، تتأكد فيها من المخزون والمنتجات الأساسية في هداياكم
وكل مرة يتجدد شعورنا وحماسنا لما نطبع بطاقاتكم المليئة بالمشاعر الجميلة ✨
بعدها نأكد بيانات الشحن للطلبات خارج الرياض ونزودكم برقم شحناتكم نتبعها سوا خطوة بخطوة..
وهِنا نسلم المهمة لأخصائيات الهدايا الرهيبات ينسقون ويغفلون هداياكم ويضيفون لمستهم الخاصة فيها ???
وبنفس الوقت متواجدين معكم ونترقب أسئلتكم واستفساراتكم بكل حُب وللّي محتار نساعده في اختيار هديته أول مايتواصل معنا في المحادثة السريعة على موقعنا ??
ومانخفي عنكم كيف نفرح لمّا تعجبكم مقترحاتنا وننبسط لو ساعدناكم بأي معلومة واستفسار??
تيك تيك مر نصف اليوم على أخصائيات العمليات ⏰
في هالوقت بيان تتصدر مهمة تتبع شحناتكم وإذا فيه مشكلة هنا ولا هنا لاتخافون حريصة تتابعها وتتأكد توصلكم بالسلامة?
من جهة أُخرى نورة رايحة جاية تحصي منتجات موردينا وترتبها داخل مصنع السعادة ??♀️?
وتتوقعون وش فقرتنا الممتعة؟
أكيد تصوير المنتجات الجديدة.. نحاول نمتع عيونكم بالمنتج وتفاصيله من أصغر شيء فيه للتغليف
وبعدها نضيفه للموقع بعد التعديلات والحركات السحرية ..
وهنا ما ننسى نستفيد من خبرة فريق التسويق ومهاراتهم في التصوير ?
كونك عضو في فريق العمليات في رسيل يعني إنك دائماً مستعدة لأي مهمة طارئة ولأي لخبطة بجدولك بسبب ظروف اليوم??
أيضا في أوقات الذروة دائما حنا جاهزين لدعم الفرق الأخرى (الهدايا
والتسويق) و استشاراتهم وقت تصميم الهدايا الجاهزة وتسعيرها والتأكد من توفر كمية المنتجات
ومتفقين إن اجتماعاتنا الدورية هي أفضل وقت لتجديد شعورنا بالإنجاز و تطوير أدائنا لخدمتكم بشكل أفضل?
ومايهنى لنا نوم ولا نهاية يوم إلا لما نتأكد إن طلباتكم تجهزت بأجمل مايكون وفي طريقها لكم ولأحبابكم ?
إن شاء الله أعجبتكم التدوينة وأشبعنا فضولكم عن عملنا كأخصائيات عمليات، واكتبوا لنا تحت في التعليقات آرائكم وإذا عندكم أي أسئلة أو استفسارات راح نرد عليكم ✨
