يامرحبا والله بأصدقاء رسيل، السباقين والمارين على أفراح الناس بالبهجة واللُطف?
أغلبكم عنده أصدقاء وأقارب طلاب شافوهم وهم يجتهدون في دراستهم وسمعوا حلطمتهم وأحياناً تغيبوا وتنازلوا عن اجتماعات معكم في سبيل دراستهم ودرجاتهم وأخيراً الحمدلله تخرجوا وفرحوا بثمرة جهدهم وتعبهم?
تدوينتنا بتساعدكم بأفكار حلوة للخريجين وكيف ممكن
تهدونهم هدية توصل لهم شعور الفرحة وحلاوتها?
ومثل ماعودناكم نكتب لكم أهم الأفكار في الهدية وقيسوها على الشخص اللي بتهدونه وإيش ممكن يناسب ذوقه واهتمامه..
منتجات استرخاء واهتمام:
من وجهة نظرنا هذي النقطة أهم شيء في هدية التخرج
وتعطيه شعور بالمكافأة، دلعوهم وحطوا لهم مثلاً جلسة سبا أو منتجات استرخاء زي غطاء العيون وتقشير وماتقشير وممكن تخلون الهدية فيها مجموعة مناكير وأدوات بديكير أو أي تنسيقات حابينها، والشباب ممكن تهدونهم جلسات مساج أو رحلة استجمام لمكان يروق فيه?
منتجات للذكرى أو لها قيمة معنوية:
هنا اسألوا نفسكم وش أكثر شيء يستخدمه الشخص اللي بتهدون له، إذا كانت بنت وتحب العقود أو الاساور ممكن تجيبين لها اسوارة على ذوقها، و حتى الأكواب حلوة بكل مرة يستخدمونها بيتذكرون المناسبة أو الهدية ومناسبة للجنسين، برضو الملابس والعطورات أو المجسمات كل هذي الأشياء على حسب ذوق الشخص واهتمامه وفيه هدايا تحس بيصير له معنى مثل المدونات أو الألبومات ممكن تحط فيها صور قديمة تخص دراسته أو صور من حفلته أو اللي تشوفه مناسب المهم إنها بتكون هدية معنوية ولها أثرها ?
منتجات للمتعة والاستمتاع:
هِنا ما لا يحصر من الأفكار ، تقدر تخليها تذاكر لفيلم أو تاخذ له لعبة ذكاء وممكن تعطيه قسيمة لتجربة خاطره فيها أو يحبها، أو حلوة فكرة تاخذ تذكرة لشخصين يروح مع أحد يحبه وينبسط معه وإن شاء الله ماينسحب عليك?
منتجات يستفيد منها :
حاولوا يكون مثل هالنوع شيء عام ممكن المنظمات اللي بيستفيد منها أو دفتر وقلم شكلهم حلو أو باسمه، ممكن كتب أعجبتكم وقيمة تحسون بيستفيد منها لفترة مابعد التخرج، اشتراك في دورة معينة أو نادي ??♀️
ونجي لأفكار عامة لهدايا التخرج:
– صندوق الاسترخاء ( شمعة، غطاء عيون، كرات الاستحمام الفوّارة، شاي أو قهوة أو مشروبها المفضل لأوقات الاسترخاء ) ??
– صندوق مفرّحات ( شوكلاتات وشيبسات ومفرّحات مُفضلة مع تذكرة للسينما مثلًا ) ???
– بطاقة إهداء من صُنعك ويكون فيها باركود لفيديو جمعتِ فيه مقاطع وصور من ذكرياتكم بالجامعة … مُضحكة .. مُبكية ?
– جلسة سبا ??♀️
-اشتراك في موقع مسلسلات ?
-تذكرة سفر (ممكن تستقعدون لهم عليها سنين?)
-للي متوعدينها أهلها بالأعمال المنزلية انقذوها باشتراك في الخدمات المنزلية??♀️
إن شاء الله تكونون استفدتوا من التدوينة وترتبت أفكاركم وراحت عنكم الحيرة للهدية اللي بتنسقونها، شاركونا أفكاركم وتعليقاتكم تحت وإذا عندكم إضافة قيمة وحلوة عن هدايا التخرج لاتبخلون علينا فيها ?
