يا مرحبا بكل من زار مدونتا يالله حيهم ?
الأغلب يتفق وبقوة على أن الأم لها مكانتها الخاصة وعلى ما يقولون لأجل عين تكرم مدينة ? ولأجل هالعين لازم نأخذ وقتنا واحنا نتنقى ونختار هديتها واللي نعبر فيها عن جزء بسيط من حبنا لها، وزي ما عودناكم مجهزين لكم اقتراحات مناسبة لهدايا تبيض الوجه وتختصر لكم وقت البحث عن هدية تدلعون فيها الوالدة ?
ونبدا بالاقتراح الأول ونقول بسم الله ??♀️
في البداية اسأل نفسك وش اللي تحبه أمك ؟
مهم تسأل نفسك هالسؤال لأن اللي يحدد الهدية المناسبة لأمك أكيد أنت، أو ممكن تسأل شخص قريب منها عن الشيء اللي تحبه، وممكن تكون أشياء بسيطة جداً مثل أكلتها المفضلة ? شكل الورد اللي تحبه ? أشياء ممكن تساعدك بفكرة هدية حلوة وجديدة
حتى لو تجيب لها شوكلاتة تفضلها بس بطريقة حلوة أو بشكل مختلف ?
الكماليات والمستلزمات المنزلية:
أسهل شيء ممكن تجيبه لأمك وأنت ضامن إنها بتنبسط عليه هي مستلزمات المنزل، تحفة لمجلسها، مبخر باسمها أو بحرفها أو مواعين لمطبخها، عاد كثير أمهات تربطهم قصة عشق مع المواعين خاصة إذا كنت تكسر مواعينها دايم ترا الحين وقت مناسب تعوضها فيه وتهديها أحسن طقم واختار الشيء المميز الغير معتاد مثلاً آلة كهربائية تفك لها أزمة أو لو عندها ست مباخر تميز واهديها مبخرة ذكية باسمها كتغيير ?
هدية تمارس فيها هواياتها:
كل أم لها حق في ممارسة هواياتها حتى لو أنها مرتبطة بمسؤولياتها ولا في مانع أنك تساعدها في ممارسة أي هواية تحبها مثلاً لو أمك فنانة بالرسم لا تقصر معها بالأدوات وخلها تعيش جوها وكأنها بابلو بيكاسو ??♀️ واذا كانت محترفة بالتصوير فممكن تهديها كاميرا بمميزات خرافية ?
هدايا التجربة:
تبي تكون هديتك مميزة وغير عن الكل؟ ❤️ إذا ودك بالشيء المميز والغير معتاد فننصحك بهدايا التجربة مثلاً تقدر تهديها باقة تتضمن عناية بالشعر أو البشرة أو الأظافر وبكذا تكون اهديتها وقت للاهتمام بجمالها ولا في أجمل من هذي الهدية لكل امرأة ✨
أو اهديها تجربة جديدة مثلاً فكرة الحديقة المنزلية محببة وتعطي شعور جميل لما تهتم فيها ويكون لها نباتات خاصة تزين بيتها، مو شرط تهديها محمية نباتات ? في خيارات أبسط من كذا بكثير مثلاً تقدر تهديها بذور زراعية تتعلق بخضار أو فواكه تحبها أو اذا كان حوض الزراعة محتاج لتجديد وفيه مشاكل خارجية فتقدر تعوضها بحوض جديد ?
اهديها لحظة دافئة ومريحة:
فكر هنا كيف تعيشها جو الدلع والاسترخاء ??♀️ ؟ اهديها جلسة سبأ أو مثلا منتجات استرخاء مميزة،كرسي مساج أو جهاز تدليك مثلاً! أو هدية عناية فيها ماسكات ومن هالمنتجات، وممكن تستفيد من عروض يوم الأم وتدلع فيها ست الكل ?
ولا تنسى اللحظات العائلية اللي ممكن تكون من أسعد اللحظات عند كل أم ولو بتتكرر عليها هذي اللحظات مرة ومرتين وثلاث ما بتمل منها أبداً، طيب ممكن تستغرب وتقول كيف أهديها شعور وهو أصلاً مو ملموس؟ الموضوع سهل جداً تقدر تسعدها بزيارة عائلية لمطعمها المفضل أو تجمع خواتها في شاليه أو تذكرة سينما لفلمها المفضل وكذا تعيش أجمل لحظاتها ????❤️
جلسة تصوير:
دائماً الأم تحب بأنها تجمع العايلة الكريمة عشان تلتقط معهم صور للذكرى وتلاحق عيالها عشان تطلع بأحسن الصور وما نخفيكم عن ما وراء كواليس التصوير أو خلوها على الله بس، فعشان تريح أمك من هالمعاناة اهديها جلسة تصوير كاملة ومكملة أو اهديها جهاز لطباعة الصور الفوتوغرافية جرب الحين وتأكد إنها بتدعيلك بس لا تنسى تجمع كل أخوانك والله يقويك ?
هدية غالية وفخمة:
ممكن يكون ودك بشيء له قيمة عالية لأن الغالي للغالي ?
وحلو تهديها طقم على مزاجها ألماس، ذهب أو إذا هي راعية بخور وعود تقدر تهديها علبة متكاملة من أفخر أنواع العود ✨
وبالأخير نتمنى أنه الاقتراحات ساعدتك وطلعتك من حيرتك واذا ودك باقتراحات أكثر فلا تتردد أبداً بالتواصل ولا تبخل علينا بطرح أفكارك أو اقتراحاتك في التعليقات تحت ❤️
