قد فكرت تسأل نفسك هل بيئة عملي مريحة؟
لأصحاب المنشآت الصغيرة والشركات في هذه التدوينة بنسرد لكم بعض النقاط المهمة اللي تخلي بيئة عملك مريحة:
توفير المقر المناسب والاهتمام فيه:
الاهتمام بالتفاصيل البسيطة تأثر بشكل كبير على نفسية الموظفين، مثلاً الإضاءة المريحة للعين، المكاتب المناسبة، نظافة وترتيب المكان بشكل يومي، وجود مكان مخصص للاستراحة كل هذه التفاصيل مهمة.
اللقاءات الودية والدورية:
ميزة اللقاءات الودية تبني معرفة وترابط بين الموظفين وتسهل تبادل الخبرات والاهتمامات بينهم، وتساعدهم على تغيير أجواء العمل والروتين وبنفس الوقت تكسر الحواجز وتعزز شعور الانتماء والود بين الموظفين وبيئة العمل.
التعامل بشفافية:
من أهم النقاط التعامل بشفافية ولُطف مع موظفيك؛ لأنه يساعدك على تكوين موظفين مبدعين ورهيبين، وتعزز من كفاءتهم في العمل وخصوصاً العمل الجماعي، ويسهل عليك بناء الثقة وكسر الارتباك وبكذا كل موظف يقدر يعبر عن رأيه وأفكاره بكل أريحيه.
تقدير ومكافأة الموظفين:
المكافأة والتقدير من أهم النقاط اللي تعزز شعورهم بالحب والتقدير لبيئة العمل ورغبتهم في التطور، تقدر تكافئهم سواء بشكرهم أمام الموظفين، احتفال بسيط، إجازات غير متوقعة، هدية لطيفة، زيادة الراتب، الترقيات وغيرها
مهما كان حجم المكافأة يبقى أثرها حلو ولطيف عليهم.
تقديم فرص للتعلم:
تواصلك بشكل مستمر مع الموظفين يساعدك على فهم أهدافهم بشكل أفضل، ومنها تقدر تقدم لهم المساعدة وتعطيهم الفرصة يتعلمون ويتطورون، وهذا يعود بشكل كبير على تطور مخرجات العمل والشركة.
وهنا مقترحات أفكار تقدر تستفيد منها في اليوم العالمي لتسلية في بيئة العمل
جلسة ودية دورية:
وحدة من الأشياء اللي نسويها في رسيل جلسة يوم الثلاثاء عبارة عن لقاء دوري ودي يختلف مواضيعه على حسب معزبنا?
ورشة تغليف أو رسم جماعي:
كيف مهارة الحس الفني والإبداعي عند موظفيك؟ طيب قد فكرت تختبر مهاراتهم الفنية؟
هذه فقرة جوها رايق وممتع ومسلي ومنها تستكشف مع موظفيك المهارات الإبداعية والفنية، طريقتها: إما يستخدمون الملصقات في تغليف هدية أو يرسمون عليها أو يستخدمون القماش بالتغليف، وفيه خيارات وأفكار متعددة، جلسة رايقة ومنها يتعلمون مهارات إبداعية وفنية.
ولأن الألعاب تفك حاجز كبير بين الموظفين والإداريين، قررنا نطرح عليكم بعض الألعاب اللي تناسب بيئة العمل:
تركيبة العائلة ..
لعبة ممتعة وتحتاج صبر تساعدك في تنمية مهاراتهم وخصوصاً مهارة التركيز والربط، مناسبة للعب الجماعي.
ممكن توفر منها ثنتين أو أكثر بأشكال مختلفة، بحيث تقسهم لمجموعات، والمجموعة الفائزة هي الأسرع في التركيب.
اللعبة جداً مسلية وممتعة وممكن تكون موجودة بالاستراحة ويلعبونها أو يكملون الشكل في أوقات الراحة.
لعبة كركبة
قد جربت تكون جملة مو مفهومة؟ أو تقول سالفة مو مرتب؟
هل لازم نكون مرتبين بكل شيء؟
لعبة كركبة تساعدهم على تنمية المهارات مثل ترتيب الأفكار وصياغة الكلمات والعبارات، من أكثر الألعاب المسلية، طريقة اللعبة: هي عبارة عن مجموعة من البطاقات وكل بطاقة فيه عدد من الأحرف ومن خلال هذه الأحرف المطلوب منهم يكونون جملة تبدأ كل كلمة فيها بنفس الأحرف الموجودة على البطاقة، لعبة مسلية وتنفع تلعبها فردية أو جماعية ومناسبة لجميع لأعمار.
لعبة مين الأسرع؟
هذي اللعبة تقدر تلعبها بعدة طرق، في البداية تحتاج تقسمهم مجموعات بعدها تختار الطريقة المناسبة
مثلاً تسأل سؤال ثقافي إجتماعي ..إلخ والمجموعة الأسرع اللي ترسل الجواب بمجموعة الواتس، أو تطلب من كل مجموعة ترشح موظف وتطلب منهم أشياء معينة يجيبونها لك أو يصورونها ويرسلونها بمجموعة .. مثلاً (شاحن، نبتة، بطاقة ..)
نختتم المدونة بمنتجات مختلفة مسلية تنفع ليوم التسلية في بيئة العمل اطلبها الآن واستمتع مع موظفينك?!
