أهلاً وسهلاً ومرحباً بالجميع ??
كل عام وأنتم بخير بعد الزحمة ??
تدوينتنا اليوم بإذن الله راح تتكلم عن موضوع مهم جداً لكل شخص مهتم بالتخطيط لأهداف العام الجديد، الله يجعله عام خير وسعادة وفرح يارب??
بدايةً كلنا نعرف قبل نهاية كل سنة نبدأ نراجع مخططاتنا وأهدافنا اللي كنّا ناوين نحققها، فأول شيء راح نسويه هو أننا ننفض الأوراق القديمة ونتحقق منها ومن إنجازها هل تم أو لا وليش ماتم..؟
بعد ما عرفت ايش اللي اتممته وايش المتبقي، نوصيك على توصية لقبها حفلة الفرح بالإنجاز ، كل المطلوب منك تسويه هو أنك تفرح وتستمتع وتحتفل بإنجازك ولو كان فقط هذا الإنجاز هو تحقيق هدف واحد من بين كومة أهداف كبيرة ولا تيأس استعد لتحدي جديد وأهداف جديدة وطموح أكبر للعام الجديد .?❤️
بعد ماتنتهي من مرحلة الفرز لإنجازات العام الماضي والاحتفال بها جاء الوقت لتبدأ بالعام الجديد مع هذي الأسئلة:
– ايش نبي نحقق ووين نبي نوصل ؟
– هل الهدف حقيقي ولا لا؟
– هل الهدف هذا أنا قادر عليه أو لا؟
من هنا نبدأ بتقسيم الأهداف على العام وكل شخص له طريقته بتوزيع الأهداف ✨
على افتراض أنك شخص جديد بهذا العالم أو متواجد من أول بس حاب تكون مُنظم فيه بشكل أكبر ومحتار كيف تختار المنتجات الي تناسبك بالإنجاز؟
هنا راح نقول لك في هذا الموضوع خصوصاً يختلف على حسب احتياجك..
يعني مثلاً عشان تقدر تقرر راح تحتاج تحدد النقطة الأساسية حتى تختار المنتجات المناسبة لك وطريقة متابعتك للإنجاز وهل بيكون دقيق وتفصيلي وفيها أهداف يومية أو لا!
فهنا أنت راح تحتاج قائمة لمهام يومية تقدر تحدد فيها مهام اليوم والتاريخ و الوقت المراد
وفيه كثير من الناس تفضل تستخدم الأجندة المؤرخة الشهرية ، تسهل عليها عملية المتابعة كل شهر بشهره والتوزيع بشكل مُيسّر.
أيضاً فيه أجندة غير مؤرخة للأشخاص الي يحبون يقسمون الأعمال والتواريخ والأيام على حسب نمط حياتهم .
وماننسى حبيب الجميع أوراق الملاحظات اللاصقة الصغيرة تشاركك كل الجدران والأبواب والطاولات.
وختام هذي التدوينة راح تكون نصيحة بسيطة ولطيفة من صديقتنا ساره آرت ” حتى تكون شخص مُنجز في حياتك و مُحقق لأهدافك العظيمة .. ” دوّن ” مهامك ،، و ” حدّد ” أولوياتك ،، ولا ” تُرهق ” نفسك فوق طاقتك ” .. ?✨
نتمنى تكون هذي التدوينة افادتك وألهمتك ويسعدنا نقرأ في التعليقات طريقتك بتحقيق الأهداف وأهم المنتجات اللي لازم تكون عندك بداية كل سنة جديدة.
هديتنا لكم تقويم السنة الهجرية الجديدة ١٤٤٢هـ من ساره آرت ?
للتحميل :??
